នាព្រឹកថ្ងៃចន្ទ ១១រោច ខែស្រាពណ៍ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី២៦ ខែសីហា ឆ្នាំ២០១៩ ឯកឧត្តម ឡោក ឆាយ អគ្គលេខាធិការរងព្រឹទ្ធសភា បានអញ្ជើញជាអធិបតីភាពក្នុងពិធីបិទវគ្គបណ្តុះបណ្តាលស្តីពី «មូលដ្ឋានគ្រឹះនៃការសរសេរ ការថតរូប និងការផ្សព្វផ្សាយព័ត៌មាន» នៅសាលសិក្ខាសាលាខាងជើងព្រឹទ្ធសភា។
វគ្គបណ្តុះបណ្តាលនេះ មានសិក្ខាកាមចូលរួមសរុបចំនួន ៤៧នាក់ ចែកចេញជាពីរវគ្គ គឺវគ្គទី១ សិក្សាចាប់ពីថ្ងៃទី០៣ ដល់ថ្ងៃទី២៨ ខែមិថុនា ឆ្នាំ២០១៩ មានសិក្ខាកាមចំនួន ២៤នាក់ និងវគ្គទី២ សិក្សាចាប់ពីថ្ងៃទី០២ ដល់ថ្ងៃទី១៧ ខែកក្កដា ឆ្នាំ២០១៩ មានសិក្ខាកាមចំនួន ២៣នាក់ ឧទ្ទេសនាមដោយលោក ទេព មករា ប្រធាននាយកដ្ឋានព័ត៌មាន នៃអគ្គលេខាធិការដ្ឋានព្រឹទ្ធសភា៕
